Ang Rehiyong Ilocos, ay matatagpuan sa hilagang kanlurang bahagi ng Luzon.  Ito ay binubuo ng  4 na lalawigan: Ilocos Norte, Ilocos Sur, La Union, at Pangasinan.

 

Ang CAR (Cordillera Administrative region) ay matatagpuan sa hilagang Luzon. Ito ay binubuo ng mga lalawigan ng Abra, Apayao, Benguet, Kalinga at Mt. Province. Dito matatagpuan ang sikat na Banaue Rice Terraces at ang lunsod ng Baguio na tinaguriang Summer Capital of the Philippines.

 

Ang Lambak Cagayan ay matatagpuan sa malaking lambak sa hilagang silangang Luzon, sa pagitan ng kabundukang Cordillera at Sierra Madre. Binubuo ito ng limang lalawigan: Batanes, Cagayan, Isabela, Nueva Vizcaya, at Quirino.

Binabagtas ng Ilog ng Cagayan, ang pinakamahabang ilog sa bansa, ang gitna ng rehiyon at dumadaloy patungong Kipot ng Luzon sa Hilaga.

 

Ang Gitnang Luzon ay may 66 kilometro ang layo sa Maynila. Ito ay may sukat na 21 470 sq.km. Nahahati ito sa 7 lalawigan: Aurora, Bulacan, Nueva Ecija, Pampanga, Bataan, Tarlac, at Zambales.

 

Pinakamaliit sa mga rehiyon ng Pilipinas ang Kalakhang Maynila, o NCR (National Capital Region), ngunit ito naman ang may pinakamakapal na populasyon. 636 sq.km. ang sukat nito at nahahati ito sa apat na distrito:

Unang Distrito: Lungsod ng Maynila

Ikalawang distrito: Lungsod ng Mandaluyong, Lungsod ng Marikina,  Lungsod ng Pasig,  Lungsod ng Quezon, San Juan

Ikatlong Distrito: Lungsod ng Caloocan, Lungsod ng Valenzuela, Lungsod ng Malabon at Navotas

Ikaapat na Distrito: Lungsod ng Makati, Lungsod ng Las Piñas, Lungsod ng Muntinlupa, Lungsod ng Pasay, Lungsod ng Taguig, Lungsod ng Parañaque, at Pateros.

 

Ang Calabarzon ay nasa Timog kanlurang Luzon, at pumapangalawa sa pinakamataong rehiyon. Ito ay binubuo ng mga lalawigan ng Cavite, Laguna, Batangas, Rizal, at Quezon.

 

Ang Mimaropa ay rehiyon ng Pilipinas na binubuo ng mga sumusunod na lalawigan: Mindoro Oriental & Occidental, Marinduque, Romblon at Palawan. Ang mga lalawigang ito ay mga isla sa Dagat Timog Tsina.

 

Ang Calabarzon at Mimaropa ay dating magkasama bilang Timog Katagalugan hanggang ito ay paghiwwalayin sa bisa ng Executive Order No, 103, noong ika-17 ng Mayo 2002,

 

Ang Rehiyon ng Bikol ay isang tangway na matatagpuan sa Timog Luzon. Ito ay binubuo ng 6 na lalawigan. Ang Albay, Masbate, Camarines Norte, Camarines Sur, Catanduanes, at Sorsogon.

 

Ang Kanlurang Visayas ay binubuo ng 6 na lalawigan: Aklan, Antique, Iloilo, Capiz, Guimaras at Negros Occidental. Dito matatagpuan ang Boracay at ang isa sa mga pinakamatamis na mangga sa bansa.

 

Ang Gitnang Visayas ay tinaguriang prinsesa ng kabisayaan. Napapaloob dito ang lalawigan ng Bohol, Siquijor, Negros Oriental at Cebu. Narito ang Chocolate Hills, na matatagpuan sa Bohol, at ang pinakamatandang lunsod sa buong Pilipinas, ang Cebu.

 

Ang Silangang Visayas ay binubuo ng 6 na lalawigan: Samar, Northern Samar, Eastern Samar, Biliran, Leyte, at Southern Leyte. Dito matatagpuan ang pinakamahabang tulay sa ating bansa, ang San Juanico Bridge.

 

Tangway ng Zamboanga. Ito ay binubuo ng tatlong lalawigan, ang Zamboanga del Norte, Zamboanga del sur, at Zamboanga Peninsula. Ito ay dating tinatawag na Kanlurang Mindanao bago isinabatas ang Executive order no. 36 noong ika 19 ng Setyembre 2002.

 

Ang Hilagang Mindanao ay binubuo ng mga lalawigan ng Bukidnon, Lanao del Norte, Misamis Oriental & Occidental, at Camiguin. Ito ay may kabuuang sukat na 14 330 sq.km.

 

Ang Caraga ay matatagpuan sa Hilagang-Silangang bahagi ng Mindanao. Nabuo ito sa republic act no. 7901 noong Pebrero 23, 1995 na inaprubahan ni Pangulong Ramos. Ito ay binubuo ng 4 na lalawigan: Surigao del Norte, Surigao del Sur, Agusan del Norte at Agusan del Sur.

 

Soccsksargen. Ito ay akronimo para sa apat nitong lalawigan at isang lungsod. Ang South Cotabato, Cotabato, Sultan Kudarat, Saranggani, at General Santos. Matatagpuan dito ang pangalawa sa pinakamahabang ilog sa buong bansa, ang Rio de Grande.

 

ARMM (Autonomous Region in Muslim Mindanao). Ito ay binubuo ng 5 lalawigan: Basilan, Lanao del Sur, Maguindanao, Sulu, at Tawi-tawi. Ito ay nilikha noong Agosto 1, 1980, sa bisa ng Rep. Act No. 6734.